काम नपाएपछि सांसद सुनुवारद्वारा पिङ उद्घाटन


 

ताजा समाचार । ५ कात्तिक, ओखलढुंगा :

सत्तारुढ नेपाल कम्युनिस्ट पार्टी (नेकपा)का प्रतिनिधी सभाका सांसद यज्ञराज सुनुवारले लहरे पिङको उद्घाटन गरेर आलोचित बनेका छन् ।

एमाले पृष्ठभूमि भएका नेकपाका सांसद सुनुवारले दशैँको फूलपातिका दिन सशस्त्र प्रहरीको कार्यालय नजिकै रहेको सिमलडाँडामा पिङको उद्घाटन गरेका हुन् ।

ओखलढुंगाको विकासका कार्यक्रममा ध्यान नदिएको भनेर आलोचना खेप्दै आएका सांसद सुनुवारले पिङ उद्घाटन गरेर रेकर्ड बनाएको भन्दै टिप्पणी भएको छ ।

नेकपाका सांसद सुनुवारले पिङ उद्घाटन गरेको तस्वीर सामाजिक सञ्जालमा भाइरल बनेको छ ।

केही समयअगाडी हिमालय टेलिभिजनले राष्ट्रपतिले मन्दिर उद्घाटन गर्ने भनेर एउटा भिडियो रिपोर्ट बनाएको थियो । हेर्नुहोस् उक्त भिडियो पनि

प्रदेश सरकारका मन्त्रीहरूले दुहुनो भैँसीको समेत उद्घाटन र गाउँपालिका र नगरपालिकाका जनप्रतिनिधिहरूले पिर्कामा सलामी लिएका घटनाको आलोचना भइरहेका बेला नेकपाका सांसद सुनुवारले पिङ उद्घाटन गरेर आलोचित बनेका छन् ।

पिङ उद्घाटन कार्यक्रममा ओखलढुंगाका प्रमुख जिल्ला अधिकारी, सशस्त्र प्रहरीका प्रमुखदेखि अन्य सरकारी कार्यालयका उच्च व्यक्तिहरूको उपस्थिति रहेको थियो ।

संसदमा पनि शून्य र विशेष समयमा सांसद सुनुवारले जिल्लाको समस्याभन्दा पनि बेलायती सेनाका कुराहरू गरेर समय कटाउने गरेका छन् ।

प्रतिनिधि सभाको निर्वाचनमा सांसद सुनुवारले नेपाली कांग्रेसका युवा नेता रामहरि खतिवडालाई पराजित गरेका थिए ।

र यो पनि पढ्नुहोस् : सुकेको बाँसमा प्लास्टिकले अड्याएको धारा सांसदद्वारा उद्घाटन ! उद्घाटको दृश्य हेर्दै मानिसहरु पेट मिचिमिची हाँसीरहे !

प्रकाशित भएको : October 22nd, 2019

प्रतिकृया दिनुहोस्

सम्वन्धित समाचारहरु