ललितपुरमा बन्नेभो ५ वटा फ्लाइओभर, मान्छे हिँड्ने हैन गाडी गुड्ने


 

काठमाडौं–ललितपुरमा निर्माण गरिने भनिएको ५ वटा फ्लाइ ओभरको सम्भाव्यता अध्ययन प्रतिवेदन आगामी माघको अन्त्यसम्म तयार हुने भएको छ ।

ललितपुर महानगरले फ्लाइओभरको सम्भाव्यता अध्ययन गत महिनादेखि नै सुरु गरिरहेको छ । हालसम्मको अध्ययन हेर्दा प्रस्तावित स्थानमा फ्लाइओभर बनाउन सम्भव दखिएको छ ।

महानगरले सम्भाव्यता अध्ययनको काममा भइरहेको प्रगतिबारे सम्भाव्यता अध्ययन ‘ग्रीड इन्डिको मटेरियल टेस्ट जेभी’ ले गरिरहेको छ । कम्पनीले हालसालै भइरहेका कामको जानकारी महानगरलाइ गराएको थियो ।

फ्लाइओभर अध्ययनका लागि गत वैशाख २७ गते सम्झौता भएको थियो । कम्पनीले ९ महिनाभित्रै प्रतिवेदन बुझाउने गरी अध्ययन अघि बढाइरहेको छ ।

पुलचोकदेखि कुपन्डोलसम्म, रिङरोडसँग ललितपुर महानगरपालिका क्रस हुने चोकमा इन्टरसेक्सन फ्लाइओभर, पुलचोकदेखि थापाथलीको बाग्मती पुलसम्म, चक्रपथको ग्वार्खो, एकान्तकुना र चापागाउँ जाने चोकमा फ्लाइओभर निर्माणका लागि अध्ययन भइरहेको छ ।

माघसम्म सम्भाव्यता अध्ययन सकिएपछि विस्तृत डिजाइनको काम सुरु गरिने र छिट्टै फ्लाइओभर निर्माण थाल्ने महानगरले जनाएको छ ।

अन्तिम पटक अपडेट गरिएको : April 28th, 2020,

प्रतिकृया दिनुहोस्

सम्वन्धित समाचारहरु