सुहागरातदेखि नै श्रीमानले यस्तो गर्न थालेपछि श्रीमती सहयोग माग्दै प्रहरीको शरणमा पुगिन्


 

काठमाडौं । अहिलेको विज्ञान र प्रविधिको बढ्दो प्रयोग लाभदायक भन्दा पनि नोक्सान धेरै गर्ने खालको भएको छ । कम उमेरमा हुने प्रेमले भविष्यलाई अलग बाटोमा लैजान्छ । प्रेम अनि विवाहपछि सबैको सपना र योजना आनन्दले जीवन चलाउने अनि सुन्दर भविष्य निर्माण गर्ने हुन्छ । धरान उपमहानगरपालिका–६ का युवराज कार्कीले पनि यहि सोचेका थिए ।

तर, भई दियो उल्टो । प्रेम विवाह गरी भित्र्याएकी श्रीमतीले नै अहिले उनलाई प्रहरीको खोरमा पुर्याएकी छन् । दुई महिना अगाडि टेम्के मैयुङ गाउँपालिका भोजपुरकी १७ वर्षीया सुनिता थापासँग प्रेम विवाह गरेका सुनसरी धरान उपमहानगरपालिका–६ का २१ वर्षीय कार्की आफ्नै श्रीमतीलाई जबरजस्ती करणी गरेको अभियोगमा पक्राउ परेका छन् ।

सुनिताले बिहीबार श्रीमान कार्कीले जबरजस्ती करणी गरेको भन्दै इलाका प्रहरी कार्यालय धरानमा जबरजस्ती करणी गरेको किटानी दिएपछि प्रहरीले कार्कीलाई पक्राउ गरेको हो । सुनिताको जाहेरी दर्ता गरी इलाका प्रहरी कार्यालय धरानले उनका श्रीमानलाई पक्राउ गरी जबरजस्ती करणी ऐन अन्र्तगत मुद्धा दर्ता गरेको हो । प्रहरीले सुनिताको वीपी कोइराला स्वास्य विज्ञान प्रतिष्ठानमा स्वास्थ्य परीक्षण समेत गरेको छ । सुनिता र युवराजले गत वैशाख २७ गते मागी विवाह गरेको स्थानीय आनन्द सुवेदीले बताए ।

सुनिताले युवराजले घरमा भित्राइएदेखि नै आफूविरुद्ध कुटपिट गरी जबरजस्ती करणी गरेको भन्दै स्थानीय महिलाको सहयोगमा इलाका प्रहरी कार्यालय धरानमा जबरजस्ती करणी गरेको किटानी जाहेरी दिएकी हुन् । श्रीमानविरुद्ध मुद्धा दर्ता गरेकी उनी हाल आफन्तकोमा बस्दै आएकी छन् । इलाका प्रहरी कार्यालय धरानका डिएसपी ढुण्डिराज न्यौपानेले युवराजविरुद्धको जाहेरी दर्ता गरी आवश्यक कारबाही प्रक्रिया अगाडि बढाइएको बताए ।

अन्तिम पटक अपडेट गरिएको : April 28th, 2020,

प्रतिकृया दिनुहोस्

सम्वन्धित समाचारहरु