ताजा अपडेट :
||   भारतको ताज महल भन्दा सुन्दर रानीमहलमा जे देखियो -हेर्नुहोस् (रोचक भिडियो सहित)
||   यसरी बेहुली झै सजिएर चितामा चढिन् तेस्रोलिंगी अजिता भुजेल
||   अब पत्रकार बन्न लाईसेन्स परीक्षा पास गर्नुपर्ने
||   साझा यातायात की महिला बस चालक हँसिलो अनुहारकी हर्मिता श्रेष्ठ..,सम्मान गरौ !
||   इटहरीका मेयर द्वारिकालाल चौधरीले एकै दिन निकालिदिए बाह्र कर्मचारी (सुची सहित)
||   भोलिदेखि फेरी देशभरी वर्षा र हिमपात हुने
||   नारायणी नदीमा हा’मफालेकी महिलाको यी डुंगा चालकले गरे जि’वितै उ’द्दार !
||   कठैबरा तेस्रो लिङ्गी लाई पनि छाडेनन् पापीहरुले ! हेर्नुहोस भिडियोसहित
||   एमसीसी सम्झौता अ’स्वीकार्य छ र कालापानीबाट भारतीय सेना फिर्ता हुनुपर्छ : गृहमन्त्री बादल
||   कमिज मात्र लगाएर निस्किइन् मलाइका, मान्छेले सोधे –पाइन्ट लगाउन भुल्नुभयो र?
Tuesday, Jan 28, 2020

प्रकृतिको खुट्टा काटिनु परेपछि आमाले रुँदै भनिन,’मेरो छोरीलाई अपांग भनेर कसैले हेला नगरोस्’

Loading...
ताजा समाचार | प्रकाशित भएको : December 12th, 2019

काठमाडौं । ‘मेरो छोरीलाई अपांग भनेर कसैले हेला नगरोस्…’ गहभरी छचल्किएको आशुँ पुछ्दै बोलिन्, ‘म चाहन्छु… हामी मरेपछि उस्ले अपांग भएकै कारण घृणा सहेर बाँच्नु नपरोस्…।’
बोल्दा बोल्दै उनी भक्कानिइन् । आशुँ पुछ्दै भुईतिर हेरिन् । अनि सुक्क सुक्कसुक्क गर्दै रुन थालिन् । केही छिन टोलाउँदै बोलिन्, ‘एउटा खुट्टा त बचाउन सकिएला कि भन्ने आशा थियो, तर त्यो पनि सकिएन्..अब जिन्दगीभरि ‘ठुटे खुट्टा’ लिएर हिँड्ने भइन् ।’ त्यसपछि त्यहाँ सन्नाटा छायो । न उनी केही बोल्न सकिन्, न आशुँ रोक्न नै ।

गएको तीन दिन यता उनको अवस्था उस्तै छ । आफ्नै छोरीको अनुहार हेर्न सकेकी छैनन् । छोरीको हविगत देखि डर लागेको छ । आफैं सम्हालिन नसकेको अवस्थामा छोरीलाई कसरी सम्हाल्ने ? सोचेरै हैरान भएकी छिन् ।

भगवतीले छोरीको भविष्य अन्धकार बाहेक केही देखेकी छैनन् । छोरीको नजिक गएर बस्न पनि नसकेको भन्दै भक्कानिन्छिन् । के गर्ने कसो गर्ने केही सोच आएको छैन् । भगवान भरोसामा रहेको भन्दै कामना गरिरहन्छिन्।

‘१२ वर्षे बच्चीको खुट्टा माथि ट्रक कुद्दा कति दुख्यो होला… ? कति छटपटाइ होली.. बचाउ.. बचाउ.. भन्दै कति जिन्दगीको भिख मागी होली’ भक्कानिँदै भन्छिन्, ‘तर.. त्यो पापीले मेरो छोरीको खुट्टा माथि ट्रक चलायो…।’

फेरि सन्नाटा..।

उनी हुन् भगवती शाही । कोहलपुर एनटीभी रोडकी ११ वर्षीया प्रकृति चन्दकी आमा । प्रकृति २ दिनदेखि बि एण्ड बी अस्पतालको आईसीयूमा छिन् । उनलाई गत आइतबार विद्यालय जाने क्रममा ट्रकले ठक्कर दिएको थियो । त्यस दिन यता उनको जिन्दगीमा धेरै उथलपुथल भएको छ, जसबारे प्रकृति भने अनविज्ञ छिन् । उनलाई दुबै खुट्टा गुमेको पनि थाहा छैन । बी एण्ड बी अस्पतालको आईसीयूमा उपचार गराइरहेकी रहेकी प्रकृतिको अहिले होस आएको छ ।

आफूलाई अस्पतालमा पाउँदा उदास छिन् ।

‘आमा मलाई के भएको छ ?

‘मेरो खुट्टा दुखिरहेको छ त…।’

‘हात पनि दुखेको छ..।’

‘मेरो झोला खोइ..?’

‘मेरो स्कुल छुट्यो है…।’

आज बिहान मात्रै प्रकृतिले आमासँग यस्तै गनथन गरिन् । तर छोरीलाई वास्तविकता बताउन नसकेकी भगवती आफैं सम्हालिन सकेकी छैनन् ।
छोरीले खुट्टा नभएको थाहा पाउँदा कति रुन्छे होली भन्ने सोचेर दिक्क छिन् । एक्कासी खुट्टा नभएको थाहा पाउँदा छोरी ‘कोमा’मा जाली कि भन्ने डर छ । यस्तै कुराहरु सोचेर रातभरी निदाउन नसकेको बताउँदै भन्छिन्, ‘बिस्तारै आफैंले थाहा पाउँली कि… त्यो बेला कसरी सम्हाल्ने भन्ने चिन्ता लागेको छ ।’ आइतबारको दिन भगवती पसलमा थिइन् । चिया पकाइरहेको बेला पसल अघि एउटा ‘अटो’ रोकियो ।

अत्तालिदै उनका श्रीमान अटोबाट झरेर भने, ‘तन्दा ले त तन्दा…।’ उनी तन्दा लिएर अटोमा पुगिन् । अटो पुरै रक्ताम्य थियो । रगतले लतपतिएको ठाउँमा हेर्दा आफ्नै छोरी प्रकृती बेहोश थिइन् । एउटा खुट्टा तुर्लुङग झुण्डिएको थियो । अर्को खुट्टा ठुटे । त्यो देख्नासाथ उनी बेहोश भइन् । रक्ताम्य छोरीलाई अटोमा राखेर उनका श्रीमान अस्पताल कुदे ।

होसमा आएपछि भगवतीले बिहानसम्म घरमा यता त्यता गरिरहेकी छोरीको अवोध अनुहार सम्झिइन् । पछिल्लो पटक अटोमा देखेको छोरीको विभत्स अवस्था आँखाभरि नाच्न थाले । छोरीले देखेको सपना सम्झिइन् । छोरीप्रति आफूले देखेको सपना सम्झिइन् । मन त्यसै भक्कानियो अनि रुदै अस्पताल पुगिन् ।

अस्पताल पुर्याउँदा प्रकृतिको शरीरमा रगतको मात्रा एकदम कम थियो। तुरुन्रत गत चढाइयो । अस्पतालले लगत्तै काठमाडौँ रिफर गर्यो । काठमाडौँमा ल्याएपछि डाक्टरले भने, ‘सरी हामी प्रकृतिको अर्को खुट्टा पनि बचाउन सक्दैनौं । काटेर फ्याक्नुपर्छ ।’

अपरेशनपछि प्रकृतिलाई रगत र सेता प्लेटलेट्सहरु दिने क्रम चलिरहेको छ । हरेक दिन ब्याण्डेज गर्नुपर्छ । अनिश्चितकालका लागि अस्पताल राख्नुपर्ने चिकित्सकहरुले बताइरहेका छन् । ‘आधा उमेर मात्रै भएकी भए केही थिएन, तर बच्चामै खुट्टा गुम्यो’ भक्कानिँदै भन्छिन्, ‘जिन्दगी भरी घृणा सहेर बाँच्नु पर्छ यसले..।’
यो समाचार सागर बुढाथोकीले अनलाइन खबरमा लेखेका छन।

प्रतिकृया दिनुहोस्

सम्वन्धित समाचारहरु