गगन थापाले फेसबुकमा लाइभ आएर भने : सरकारले ल्याएको सूचना प्रविधि विधेयक अहिलेसम्मकै खतरनाक (भिडियोसहित)


 

काठमाडौं । नेपाली काँग्रेसका नेता गगन थापाले सरकारले संसदमा दर्ता गराएको विधेयक मध्ये सूचना प्रविधि विधेयक अहिलेसम्मकै सबैभन्दा खतरनाक रहेको बताएका छन् ।

थापाले प्रेस तथा अभिव्यक्ति स्वतन्त्रता सम्बन्धी संवैधानिक व्यवस्थाको विपरित हुनेगरी ल्याएको यो विधेयक अहिलेसम्मकै सबैभन्दा खतरनाक रहेको बताएका हुन् ।

राज्यका ओहोदामा बसेकाहरुलाई चित्त नबुझेकोखण्डमा आफैंले गठन गरेको निकायमार्फत जोकोहीलाई पनि थुन्नसम्म सक्ने व्यवस्था रहेको विधेयकमार्फत् सरकारको नियत समेत प्रष्ट भएको उनले बताए ।

सरकार तथा शक्तिमा रहेकाहरुको गतिविधिमाथि प्रश्न उठाउने नागरिक अधिकार समेत विधेयकले खोस्ने उल्लेख गर्दै थापाले विधेयकमार्फत नागरिकको मुख थुन्ने प्रयास गरेको बताए ।

गगन थापाको फेसबुक लाइव हेर्नुहोस तलको भिडियोबाट

प्रकाशित भएको : December 30th, 2019

प्रतिकृया दिनुहोस्

सम्वन्धित समाचारहरु