६ महिनामा तास किनेरै बाहिरियो १५ करोड रुपैयाँ : ८८ लाख ‘बुङ्ग’ तास आयात


 

नेपालमा जुवातास खेल्नु गैरकानुनी हो । नेपाल प्रहरीले हरेक दिनजसो कुनै न कुनै ठाउँबाट जुवा खेल्ने व्यक्ति पक्राउ गरिहेको हुन्छ । तर गैरकानुनी खेल्नको लागि गैरकानुनी मानिएको तास आयातमा भने प्रतिवन्ध छैन । जसका कारण बार्षिक करोडौं रुपैयाँको तास आयात भैरहेको छ ।

चालु आर्थिक बर्षको साउनदेखि पुससम्मको ६ महिनामा झण्डै १५ करोड रुपैयाँको तास आयात भएको छ । ६ महिनामा १४ करोड ८३ लाख रुपैयाँ बराबरका ८८ लाख ५३ हजार ‘बुक’ तास आयात भएको भन्सार विभागले जनाएको छ ।

६ महिनामा चीनबाट १२ करोड ८६ लाख रुपैयाँ बराबरका ७६ लाख ९५ हजार ‘बुक’ तास आयात भएका छन् । यस्तै भारतबाट १ करोड १० लाख रुपैयाँ बराबरका ९ लाख ६८ हजार ‘बुक’ र मलेसियाबाट ५३ लाख २३ हजार रुपैयाँ बराबरका ५३ हजार ‘बुक’ तास आयात भएका छन् ।

गएको आर्थिक वर्षमा २५ करोड ६ लाख रुपैयाँ बराबरका १ करोड ५७ लाख ‘बुक’ तास आयात भएका थिए ।

प्रकाशित भएको : February 1st, 2020

प्रतिकृया दिनुहोस्

सम्वन्धित समाचारहरु