हिट फिल्म दिएकी बर्षा जुन पायो त्यही फिल्म नखेल्ने !!

 

धन्न, चलेका अभिनेत्रीहरुका लागि फिल्म नभए पनि म्युजिक भिडियो भन्ने चिज छ। त्यो पनि नभए टिकटक छँदैछ। प्रशंसकहरुले कहाँ फेला पार्ने र के हेर्ने भन्ने चिन्ता लिइरहनु पर्दैन।

बिहेपछि वर्षा राउतका हातमा नयाँ फिल्म छैनन्। बिहेअघिका ‘दाल भात तरकारी’ र ‘जात्रैजात्रा’ले ५१ दिन मनाइसके। हिट फिल्मकी हिरोइनमा उनी दरिइसकिन्। यस्तोमा जस्तो पायो त्यस्तै फिल्म खेल्ने कुरा पनि भएन। प्रस्ताव राख्नेले पनि झट्टै राख्न नसकेकाले पनि हुनसक्छ, उनी यतिबेला फिल्मविहीन छिन् रे !

त्यसो त फिल्म छानेर गर्ने भन्ने हल्ला फिँजिएपछि आफूकहाँ कम प्रस्ताव आएको हल्ला पनि चलिरहेकै छ। हुन पनि स्क्रिप्ट नपढी के फिल्म गर्नु ? यत्तिको हिट भइसकेपछि यति अडान त राख्नै प-यो नि !

र यो पनि पढ्नुहोस्

अष्ट्रेलियामा खुलेकि वर्षा (हेर्नुहोस् तस्बिरहरु)

जेठ ३ गतेबाट हल रिलिज भएको चलचित्र ‘जात्रै जात्रा’ अहिले अष्ट्रेलियाका विभिन्न सहरहरुमा पनि प्रदर्शन भइरहेको छ । ब्रिसवेन, एडलेड, सिड्नी, मेलवर्न लगायत नेपालीको उलेख्य बसाइ रहेको अष्ट्रेलियाका मुख्य सहरहरुमा चलचित्र ‘जात्रै जात्रा’ प्रदर्शन भइरहेको छ ।

‘अष्ट्रेलियाका मुख्य सहरमा अहिलेसम्म करिब दुई दर्जन शो प्रदर्शन भइसकेको छ,” जात्रै जात्रा निर्देशक प्रदीप भट्टराई भन्छन्, ‘अहिले पनि प्रदर्शन भइरहेको छ । नेपाली रहेका सहरमा अझै पनि प्रदर्शन हुनेछ ।”

चलचित्र प्रदर्शनकै लागि निर्देशक भट्टराई, कार्यकारी निर्माता तथा कलाकार रविन्द्रसिंह बानियाँ, विपिन कार्की र वर्षा राउत अष्ट्रेलियामा छन् । विदेशमा नेपालीको जनसंख्या धेरै रहेका ठाउँमा हलका केही शो भाडामा लिएर नेपाली चलचित्र देखाउने गरिएको छ ।

‘जात्रा’को सिक्वेल ‘जात्रै जात्रा’मा विपीन कार्की, रविन्द्रसिंह बानियाँ, रविन्द्र झा, दयाहाङ राई र वर्षा राउत मुख्य भूमिकामा छन् । सुन काण्डलाई चलचित्रले मुख्य कथा बनाएको छ ।