साउन २७ गते देशव्यापी रुपमा सार्वजनिक बिदा !


 

काठमाडौं। कम्युनिस्ट प्रधानमन्त्री केपी शर्मा ओली विदेश भ्रमणमा रहेका बेला कार्यबाहक प्रधानमन्त्री ईश्वर पोखरेलले मुस्लिम समुदायको बक्रईदका सार्वजनिक बिदा दिने बारेमा संघीय सरकार सकारात्मक रहेको बताएका छन् ।

सोमबार सिंहदरबारमा उपप्रधान एवम् रक्षामन्त्री समेत रहेका कार्यबाहक प्रधानमन्त्री पोखरेलसँग मुस्लिम आयोगका अध्यक्ष समिम मियाँ अन्सारीले भेट गरी बक्रईद पर्वका अवसरमा सार्वजनिक बिदा दिन अग्रह गरेका हुन् ।

आयोगका अध्यक्ष अन्सारीले कार्यबाहक प्रधानमन्त्री पोखरेलले मुस्लिमको बक्रईद पर्वका अवसरमा सार्वजनिक बिदा दिन संघीय सरकार सकारात्मक रहेको आश्वासन दिएको बताए ।

मुस्लिम समुदायको पर्व बक्रईद साउन २७ गते परेको छ । सो पर्वका अवसरमा सार्वजनिक बिदा दिन आयोगका अध्यक्ष अन्सारीले संघीय सरकारसँग अपिल गरेका छन् ।

सडक छेउमा फालिएको झोलामा भेटियो १ लाख नगद र ५ लाखको चेक

धनगढी– बैतडीको सिगास गाउँपालिकाको सडक छेउमा बेवारिस अवस्थामा फेला परेको झोला भित्र १ लाख रुपैयाँ नगद र ५ लाख ४० हजार रुपैयाँको चेक भेटिएको छ ।

बैतडीको सिगास र सुनर्य गाउँपालिकाको सीमा क्षेत्र पर्ने जयपृथ्वी राजमार्गअन्तर्गतको मुसे–नाचनथलीमा झोला भेटिएको हो ।

बझाङबाट धनगढी जाँदै गरेका बझाङको जयपृथ्वी नगरपालिकाका मेयर वीरेन्द्र खड्काले झोला फेला पारेका हुन् ।

मेयर खड्काका अनुसार सडक किनारमा अलपत्र अवस्थामा भेटिएको झोला खोलेर हेर्दा त्यसमा नगद १ लाख र ५ लाख ४० हजार रुपैयाँ चेक भेटिएको हो । मेयर खड्काले झोलामा एक नागरिकता पनि भेटिएको छ, बझाङको देउलीकोट गाविस–५ ठेगाना उल्लेख भएका बसन्त बोहराको ।

मेयर खड्काले सडकमा भेटिएको झोला धनगढी पुर्‍याएका छन् । उनले पत्रकार सम्मेलन गरी उक्त झोला प्रहरीलाई बुझाउने बताएका छन् ।

प्रकाशित भएको : August 7th, 2019

प्रतिकृया दिनुहोस्

सम्वन्धित समाचारहरु