अविरल वर्षासँगै आएको बाढीले गुल्मिमा महायज्ञको मण्डप नै बगाइदियो


 

गत रातिदेखि अविरल वर्षा भई कालिगण्डकी नदिले सोह्रश्राद्ध गर्ने थलो र अन्य थुप्रै सामाग्रिहरु बगाएर ठूलो क्षति भएको रुरु नेटवर्कका सञ्चालक सुन्दर कसाजुले जानकारी दिए । कसाजुले अहिले बिहानैदेखि रिडीवासी बाढीबाट सामाग्री बचाउका लागि जुटिरहेको बताए ।

गत भदौ २८ गते परराष्ट्रमन्त्री प्रदिपकुमार ज्ञवालीले उद्घाटन गरेको महायज्ञ २१ दिनसम्म चल्ने र २१ सय रुपैयाँमा विवाह, व्रतबन्ध र पितृमोक्ष गराइने उद्घोष गरिएको थियो । उक्त महायज्ञको बालयोगेश्वर महराज भनिने विजय भण्डारी प्रमुख बाचक रहँदै सञ्चालन गरिरहेका छन् ।

बाढीको प्रतिकात्मक तस्विर ।

वैदेशिक रोजगार ठगी मुद्दामा एक वर्ष जे’ल सजाय पाएका भण्डारी गुल्मीको पालुखा माध्यामिक विद्यालयबाट महायज्ञ सञ्चालन गर्न जुटेका थिए । उनलाई बैदेशिक रोजगार न्यायधिकरण ईजलासले १ वर्ष ५ महिना २६ दिन जेल सजाय भुक्तानीका लागि गुल्मी जिल्ला अदालतमा पत्र पठाएको छ ।

यता, नेपाल पञ्चाङ्घ निर्णय समितिले पनि उक्त महायज्ञ आयोजनाप्रति विरोध जनाएका छन् ।

समितिका अध्यक्ष प्राध्यापक डाक्टर ताराप्रसाद गौतमले भनेका थिए, ‘भदौ २८ गते देखि असोज ११ गते शुक्रअस्त रहेको छ । यस अवधिमा कुनै पनि पूजापाठ गर्नु हुँदैन । काठमाडौँको गोकर्णेश्वरमा र गुल्मीको रिडीमा सोह्रश्राद्ध लगायतको पूजा पाठ गरिँदै छ । त्यसबाट पितृमोक्ष हुँदैनन । जो जसले गर्न लागेका छन् उनीहरुलाई नै अनिष्ठ हुनेछ ।’

अन्तिम पटक अपडेट गरिएको : October 22nd, 2019,

प्रतिकृया दिनुहोस्

सम्वन्धित समाचारहरु