ओली सरकारले ल्यायो दशैंमा घर जानेलाई सुविधायुक्त अफर, चौतर्फी भयो स्वागत


 

सरकारले नेपालीहरुको महान चाड दशैंका अवसरमा सार्वजनिक यातायातको रुट खारेज गरेको छ । सरकारको यस्तो निर्णयसँगै सार्वजनिक यातायताले देशको एक ठाउँबाट अर्को ठाउँमा जान कुनै रुट पर्मिट लिन नपर्ने भएको छ ।

दशैंको पहिलो दिन घटस्थापना अर्थात १२ असोजदेखि लागू हुने गरी सरकारले सार्वजनिक यातायातको रुट निलम्बन गरेको हो ।

भौतिक पूर्वाधार तथा यातायात मन्त्रालय अन्तर्गतको यातायात व्यवस्था विभागले एक सूचना जारी गर्दै दसैंको लागि एक ठाउँबाट अर्को ठाउँमा जाने यात्रुलाई सहज वातावरणमा यात्रा गराउने उद्देश्यले १२ असोज देखि १९ गतेसम्म रुट परमिट खुल्ला गरेको जनाएको छ ।

सरकारले ट्राफिक व्यवस्थापनमा समस्या आउन सक्ने भन्दै रुट परमिट खुला गरिएको अवधिमा काठमाडौं भित्रने ठूला मालबाहक सवारी साधनलाई चितवनको नारायणगढदेखि आवागमनमा रोक लगाइने निर्णय समेत गरेको छ । विभागको सूचनामा आवागमनमा रोक लगाइएको उल्लेख छ । यो खबर आजको राजधानी दैनिकमा छापिएको छ |

यस्तै सरकारले नागरिकलाई आफ्नो गाउँ फर्कन सजिलो होस् भन्ने हेतुका साथ दशैँ अबदी भर यो नियम लागु गरेको छ | कुनै पनि यात्रुले दुख पाउन नपरोस् र सजिलै आफ्नो यात्रा सहज होस् भन्दै सरकारले योप नयाँ नियम ल्याएको हो |

प्रकाशित भएको : September 25th, 2019

प्रतिकृया दिनुहोस्

सम्वन्धित समाचारहरु