पूर्वराजा शाहले सर्वसाधारणलाई निर्मल निवासमा असोज २१ गते दिउँसो ४ बजे दशैंको टीका लगाइदिने


 

काठमाडौं । पूर्वराजा ज्ञानेन्द्र शाहले विजयादशमीको दिन सर्वसाधारणलाई टीका लगाइदिने भएका छन् । हरेक वर्ष जस्तै पूर्वराजा शाहले निर्मल निवासमा सर्वसाधारणलाई सामूहिक टीका लगाइदिने भएका हुन् ।

यसपालिको दशैंको टीकाको सबैभन्दा राम्रो साइत बिहान १० बजेर ३५ मिनेटदेखि ११ बजेर १५ मिनेटसम्म रहेको छ । त्यसअघि मंगलबार बिहानै ८ बजेर ४५ मिनेटमा देवी विसर्जनको शुभसाइत रहेको छ । पूर्वराजा शाहले दशैंको उत्तम साइतमा घरपरिवार र आफन्तलाई टीका लगाइसकेपछि २१ गते मंगलबार अपराह्न सर्वसाधारणलाई टीका लगाउने भएका छन् ।

पूर्वराजा शाहले आमा रत्नसँग टीका लगाएपछि सर्वसाधारणलाई टीका लगाइदिने बताइएको छ ।

प्रकाशित भएको : September 30th, 2019

प्रतिकृया दिनुहोस्

सम्वन्धित समाचारहरु