राष्ट्रपति भण्डारीसँगको औपचारिक भेटका लागि चिनियाँ राष्ट्रपति सी शीतल निवासमा


 

काठमाडौं, २५ असोज । राष्ट्रपति विद्यादेवी भण्डारीसंगको औपचारिक भेटका लागि चिनियाँ राष्ट्रपति सी जिनपिङ राष्ट्रपति भवन शीतल निवास पुग्नु भएको छ ।

आज साँझदेखि नेपालको औपचारिक भ्रमण आरम्भ गर्नु भएका चिनियाँ राष्ट्रपति सी राष्ट्रपति भण्डारीको मैत्रीपूर्ण निमन्त्रणामा नेपाल आउनु भएको हो । उहाँहरुबीच करिब आधा घण्टा छलफल हुने बताइएको छ । छलफलमा द्धिपक्षीय हितको विषयमा छलफल हुने बताइएको छ । त्यसपछि राष्ट्रपति सी पुनः होटल सोल्टी फर्कनु हुनेछ ।

सीको सम्मानमा रात्रिभोज– सहभागीले फोटो खिच्न नपाउनेदेखि कालो जुत्ता लगाउनु पर्नेसम्म

काठमाडौं– चिनियाँ राष्ट्रपति सी चिनफिङका लागि शनिबार(आज) राति आयोजना गरिने रात्रिभोजमा सहभागीहुनेहरुका लागि परराष्ट्रमन्त्रालयले कडा नियम बनाएको छ ।

रात्रि भोजमा सहभागी हुने नेपाली अतिथिहरुको हकमा विभिन्न ७ वुँदे शर्त राखिएका छन् । उनीहरुले यी सात बुँदाको पालना गर्दै अनुशासनमा बस्नुपर्ने छ ।

सीको सम्मानमा राष्ट्रपति विद्यादेवी भण्डारीले होटल सोल्टीमा रात्रिभोजको आयोजना गरेकी छिन् ।

रात्रिभोज व्यवस्थापनको पाटो सम्हालेको परराष्ट्र मन्त्रालयले रात्रिभोजमा सहभागीहुनेहरुलाई निम्तोकार्ड समेत पठासकेको छ । भोजमा चिनियाँ प्रतिनिधमण्डलका साथमा नेपालबाट राष्ट्रपति, उपराष्ट्रपति, प्रधानमन्त्री, राष्ट्रियसभाका अध्यक्ष, उपप्रधानमन्त्रीहरु, मन्त्रीहरु, दलका शीर्ष नेताहरु, विशिष्ट सरकारी अधिकारीहरु, विशिष्ट व्यक्तिहरु र केही व्यवसायीलाई पनि निमन्त्रणा गरिएको छ । करिब २५० जना भोजमा सहभागी हुने जनाइएको छ ।

यस्ता छन् सातबुँदे शर्त

१. पुरुषको हकमा राष्ट्रिय पोशाक वा कालो डार्क सुट, सेतो सर्ट, तुना वाध्ने छालाको कालो जुत्ता र महिलाको हकमा राष्ट्रिय पोशाक सारी वा डार्क सुट अनवार्य रुपमा लगाउनु पर्ने ।

२. सिटिङ ब्याङकेट भएको हुनाले निम्ता कार्ड प्राप्त हुनासाथ सहभागी हुने वा नहुने जानकारी शीघ्र गराउनु पर्ने ।

३. सुरक्षा जाँचको कारण निम्ता कार्डमा तोकिएको समयभन्दा ४५ मिनेट अगावै भोज स्थल पुग्नुपर्ने ।

४. मोवाइल फोन स्वीच अफ गर्नुपर्ने, तस्वीर खिच्न नपाइने ।

५. प्रमुख अतिथिले खाना ग्रहण गर्न शुरु गरेपछि मात्र आफुले शुरु गर्नुपर्ने ।

६. सिटिङ डिनर चलिरहेको वेला उठ्न नपाउने, र प्रमुख अतिथि हल बाहिर निस्केपछि मात्र उठ्न पाउने ।

७. पाहुनालाई प्राथमिकता दिनु पर्ने ।

प्रकाशित भएको : October 12th, 2019

प्रतिकृया दिनुहोस्

सम्वन्धित समाचारहरु