आज पनि घट्यो सुनको भाउ


 

ताजा समाचार । २७ असोज, काठमाडौं :

साताको दोस्रो दिन आज सोमबार पनि सुनको भाउ घटेको छ । हिजो आइतबार ७० हजार १ सय रुपैयाँ प्रतितोलामा कारोबार भएको छापावाला सुनको भाउ आज तोलामा १ सय रुपैयाँले घटेर ७० हजारमा झरेको छ ।

तेजावी सुन पनि आज तोलामा १ सय रुपैयाँले घटेर ६९ हजार ७ सय रुपैयाँमा कारोबार भईरहेको छ । चाँदीको भाउ भने आज पनि स्थिर छ । चाँदी प्रतितोला ८४५ रुपैयाँमा किनबेच भईरहेको छ ।

नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६० हजार १५ रुपैयाँ, प्रति १० ग्राम तेजावी सुनको मूल्य ५९ हजार ७६० र प्रति १० ग्राम चाँदीको मूल्य ७२४ रुपैयाँ ५० पैसा कायम गरेको छ ।

प्रकाशित भएको : October 14th, 2019

प्रतिकृया दिनुहोस्

सम्वन्धित समाचारहरु