‘नो ब्रा’ अभियान चलाएकी पप गायिका सुली मृ त फेला


 

ताजा समाचार । २८ असोज, काठमाडौं :

ब्रा नलगाउने अभियान चलाएकी प्रसिद्ध पप गायिका मृ त फेला परेकी छन् । दक्षिण कोरियाकी पप गायिका सुली राजधानी सोलनजिकै रहेको आफ्नो घरमा सोमबार मृ त फेला परेकी हुन् ।

उनले आ त्म ह त्या गरेको अनुमानमा अनुसन्धान अघि बढाइएको त्यहाँको प्रहरीले जनाएको छ । यद्यपि घटना स्थलमा सु सा इ ड नोट भने फेला परेको छैन ।उनका म्यानेजरले घरको दोस्रो तलामा मृ त फेला पारेपछि प्रहरीलाई खबर गरेका थिए ।

उनले दक्षिण कोरियामा ब्रा लगाउने-नलगाउने कुरा महिलाको निजी मामिला एवम् स्वतन्त्रताको कुरा हो भन्ने सन्देश फैलाएकी थिइन् । २५ वर्षीया सुलीको वास्तविक नाम चोप जिन-रि हो ।

उनले इन्स्टाग्राममा ब्रा नलगाइकन खिचेको फोटो पोष्ट गरेपछि प्रशंसा र आलोचना दुवै भएको थियो । इन्स्टाग्राममा रहेका उनका लाखौं फलोअर्सले पनि उनलाई साथ दिएपछि ‘नो ब्रा’ ह्यासट्याग ट्रेन्डिङमा आएको थियो ।

आफ्नो शरीर कसरी देखाउने भन्ने कुरा आफ्नो स्वतन्त्रताको कुरा भएको बताउने उनले मे २०१६ मा पहिलोपटक ब्रा नलगाएको फोटो इन्स्टाग्राममा सार्वजनिक गरेकी थिइन् । ब्रा नलगाइ खिचिएका तस्वीर र भिडियोहरुमा निप्पल देखिएको भन्दै उनको धेरै आलोचना भएको थियो ।

यद्यपि प्रभावशाली नारी स्वरका रूपमा परिचित सुलीका समर्थकहरुको संख्या पनि बढ्दै गएको थियो । धेरैले उनलाई साथ दिँदै ब्रा नलगाएका आफ्ना तस्वीरहरु सामाजिक सन्जालमा सेयर गरेका थिए ।

प्रकाशित भएको : October 15th, 2019

प्रतिकृया दिनुहोस्

सम्वन्धित समाचारहरु